Լևերկուզենի «Բայերի» աջ կիսապաշտպան Ժերեմի Ֆրիմպոնգը շատ մոտ է կարիերան «Լիվերպուլում» շարունակելուն, գրում է ինսայդեր Բեն Ջեյքոբսը:
Նիդերլանդցին արդեն բուժզննում է անցել մերսիսայդյան ակումբի համար: Անգլիայի չեմպիոնը «Բայերին» տեղեկացրել է, որ վճարելու է 24-ամյա ֆուտբոլիստի հրաժարագինը, որը 35 միլիոն եվրո է:
Ֆրիմպոնգն ու «Լիվերպուլը» համաձայնեցրել են անձնական պայմանագրի բոլոր կետերը: Համաձայնագիրը կլինի 5 տարով:
«Մանչեսթեր Սիթիի» սանն ընթացիկ մրցաշրջանում մասնակցել է 53 խաղի, խփել է 5 գոլ, կատարել 13 ասիստ:
