Կիսապաշտպան Ջորդան Հենդերսոնը հեռացել է Ամստերդամի «Այաքսից», հայտնում է ակումբի պաշտոնական կայքը:
«Ցանկանում եմ երախտագիտության խոսքս ուղղել ակումբի հետ կապ ունեցող բոլոր անձանց, որոնք ինձ հնարավորություն են տվել լինելու այս հրաշալի միջավայրում: «Այաքսում» խաղալն ինքնին մեծ պատիվ էր:
Ավելի մեծ պատասխանատվություն էր ավագի թևկապով թիմին առաջնորդելը: Միակ ափսոսանքս այն է, որ չկարողացանք ավելի մեծ հաղթանակներ գրանցել մեր հրաշալի երկրպագուների համար: Վստահ եմ, որ ժամանակի ընթացքում նրանք կզգան մեծ հաղթանակների քաղցրությունը»,- նշել է Հենդերսոնը:
35-ամյա ֆուտբոլիստը երկկողմ համաձայնությամբ խզել է պայմանագիրը, որի ժամկետն ուժի մեջ էր մինչև 2026 թվականի հունիսի 30-ը ներառյալ: Հենդերսոնը 2024 թվականի ձմռանն էր Սաուդյան Արաբիան ներկայացնող «Ալ Էթիֆաքից» տեղափոխվել «Այաքս», որի կազմում մասնակցել է 57 հանդիպման, խփել 1 գոլ և կատարել 9 արդյունավետ փոխանցում:
