Իտալիայի Ա Սերիայի 30-րդ տուրում Միլանի «Ինտերը» «Ջուզեպե Մեացա» ստադիոնում 2-1 հաշվով հաղթեց «Ուդինեզեին»։

«Ներաձուրիից» առաջին կեսում մեկական գոլ խփեցին Մարկո Առնաուտովիչը և Դավիդե Ֆրատեզին։

Միլանյան գրանդի կազմում ամբողջ հանդիպմանը մասնակցեց Հայաստանի ազգային հավաքականի նախկին ավագ Հենրիխ Մխիթարյանը։

«Ինտերը» 67 միավորով շարունակում է գլխավորել մրցաշարային աղյուսակը և 6 միավորով գերազանցում է երկրորդ տեղը զբաղեցնող «Նապոլիին»։ «Նապոլին» 30-րդ տուրում դեռ չի անցկացրել իր հանդիպումը և տնային խաղում կմրցի «Միլանի» դեմ։ «Ուդինեզեն» 40 միավորով 10-րդն է։

Իտալիայի Ա սերիա, 30-րդ տուր

«Ինտեր» - «Ուդինեզե»` 2-1

Մարկո Առնաուտովիչ, 12, Դավիդե Ֆրատեզի, 29 - Օմար Սոլե, 71