Մադրիդի «Ռեալն» Իսպանիայի գավաթի խաղարկության եզրափակիչում է։

Կիսաեզրափակիչի պատասխան խաղում «Արքայական ակումբը» «Ռեալ Սոսյեդադի» հետ թրիլերային ու գերգոլառատ ոչ-ոքի գրանցեց` 4-4։

Հյուրերը 80-րդ րոպեին հաշիվը դարձրին 3-1, սակայն Կառլո Անչելոտիի գլխավորած թիմից 82-րդ րոպեին Ջուդ Բելինգհեմը խփեց երկրորդ, իսկ 86-րդ րոպեին Օրելյեն Չուամենին` երրորդ պատասխան գոլը։

Մրցավարի ավելացրած երրորդ րոպեին Իսպանիայի ազգային հավաքականի հարձակվող Միկել Օյարսաբալը դուբլ գրանցեց, հիմնական ժամանակում 4-3 հաշվով հաղթանակ պարգևեց «Ռեալ Սոսյեդադին», իսկ դիմակայությունը տեղափոխեց լրացուցիչ ժամանակ։

Լրացուցիչ ժամանակում «Լոս Բլանկոսն» ուներ խաղային առավելություն և 115-րդ րոպեին անկյունայինի խաղարկումից հետո Անտոնիո Ռյուդիգերը դրեց հանդիպման վերջակետը։

«Ռեալը» երկխաղյա դիմակայությունում հաղթեց 5-4 հաշվով։ Եզրափակիչի մյուս ուղեգիրը կվիճարկեն «Աթլետիկոն» և «Բարսելոնան»։ Կողմերի առաջին մրցավեճում նույնպես 4-4 հաշիվն էր գրանցվել։ Պատասխան խաղը կկայանա ապրիլի 2-ին Մադրիդում։

Իսպանիայի գավաթ, կիսաեզրափակիչ, պատասխան հանդիպում

«Ռեալ Մադրիդ» - «Ռեալ Սոսյեդադ»` 4-4 (առաջին հանդիպումը` 1-0)

Էնդրիկ, 30, Ջուդ Բելինգհեմ, 82, Օրելյեն Չուամենի, 86, Անտոնիո Ռյուդիգեր, 115 - Անդեր Բարենեչեա, 16, Դավիդ Ալաբա, 72 (ինքնագոլ), Միկել Օյարսաբալ, 80, 90+3