«Ռեալ Սոսյեդադի» կիսապաշտպան Արսեն Զախարյանը մոտ է խաղադաշտ վերադառնալուն, հայտնում է Матч ТВ-ն:
Սպասվում է, որ Ռուսաստանը ներկայացնող հայ ֆուտբոլիստը կընդգրկվի «Էսպանյոլի» դեմ Լա լիգայի 2-րդ տուրի խաղին: Տեղեկությունը ռուսական հեռուստաընկերության հետ զրույցում հաստատել են բասկյան ակումբից:
«Արսենը լիարժեք ինտենսիվությամբ մարզվում է ընդհանուր խմբի հետ: Նա անհարմարություններ չի զգում և պատրաստ կլինի «Էսպանյոլի» դեմ խաղին»,- ասել են ակումբի մամուլի ծառայությունից:
Վերջին անգամ 22-ամյա ֆուտբոլիստը խաղադաշտ է դուրս եկել կես տարի առաջ՝ փետրվարին:
