Մադրիդի «Ռեալն» Իսպանիայի Լա լիգայի 16-րդ տուրում հյուրընկալվեց կատալոնական «Ժիրոնային» և հաղթեց 3-0 հաշվով:

Գոլի հեղինակ դարձան անգլիացի կիսապաշտպան Ջուդ Բելինգեմը, թուրք վինգեր Արդա Գյուլերն ու ֆրանսիացի հարձակվող Կիլիան Մբապեն: Բելինգեմը նաև ասիստ կատարեց Գյուլերին, իսկ Մբապեին գեղեցիկ փոխանցումով օգնեց հաջողության հասնել խորվաթ կիսապաշտպան Լուկա Մոդրիչը:

Հանդիպման ընթացքում «Արքայական ակումբից» վնասվածքների պատճառով հարկադրված փոխարինվեցին Բելինգեմն ու ֆրանսիացի պաշտպան Ֆերլան Մենդին:

Իսպանիայի գործող չեմպիոնը 36 միավորով երկրորդն է, երկու միավոր է զիջում առաջատար կատալոնական «Բարսելոնային»: Մադրիդյան գրանդը մեկ խաղ քիչ է անցկացրել: «Ժիրոնան» էլ 22 միավորով 8-րդն է:

Իսպանիայի Լա լիգա, 16-րդ տուր

«Ժիրոնա» - «Ռեալ»` 0-3 

Ջուդ Բելինգեմ, 36, Արդա Գյուլեր, 55, Կիլիան Մբապե, 62