Բասկետբոլի Հայաստանի ազգային հավաքականի խաղացող Քրիս Ջոնսը հեռացել է իսպանական «Վալենսիայից», հաղորդում է ակումբի մամուլի ծառայությունը։
Իսպանական ակումբը խզել է պայմանագիրը, որը նախատեսված էր ևս մեկ մրցաշրջանի համար:
32-ամյա խաղարկողը երեք մրցաշրջան է անցկացրել «Վալենսիայի» կազմում։ Ավարտված մրցաշրջանում ամերիկացին ACB լիգայում մասնակցել է 32 խաղի՝ միջինում վաստակելով 10.8 միավոր և կատարելով 5.1 ասիստ։
Եվրալիգայում նա մասնակցել է 15 խաղի՝ միջինում վաստակելով 10.6 միավոր և կատարելով 4.5 արդյունավետ փոխանցում:
