«Ալ Ահլին» պատրաստ է բաժանվել Ֆրանկ Կեսիեից, հայտնում է ինսայդեր Ֆաբրիցիո Ռոմանոն։

Սաուդյան ակումբը շահավետ առաջարկի դեպքում մտադիր է վաճառել կոտդիվուարցի ֆուտբոլիստի տրանսֆերային իրավունքը։

28-ամյա կիսապաշտպանի ծառայություններով հետաքրքրված է «Ֆիորենտինան», որը նրա տեղափոխության համար երկու շաբաթ առաջ հարցում է արել «Ալ Ահլիին»։

Կեսիեն «Ալ Ահլի» է տեղափոխվել 2023թ. օգոստոսին, 77 խաղում խփել է 14 գոլ, կատարել 9 ասիստ։ Նա իտալական ակումբներից հանդես է եկել «Միլանում» ու «Ատալանտայում»։