Կիսապաշտպան Սաուլ Նիգեսը հեռացել է Մադրիդի «Աթլետիկոյից» և ազատ գործակալի կարգավիճակում միացել է «Ֆլամենգոյին», հաղորդում է բրազիլական ակումբի մամուլի ծառայությունը:
Իսպանացու պայմանագիրը նոր թիմի հետ նախատեսված է մինչև 2028 թվականի դեկտեմբերը։
Սաուլը մադրիդյան թիմում խաղում էր 2012 թվականից՝ անցկացնելով 427 խաղ, որոնցում խփել է 48 գոլ, կատարել 26 գոլային փոխանցում։ «Աթլետիկոյի» հետ կիսապաշտպանը դարձել է Իսպանիայի չեմպիոն, գավաթակիր և սուպերգավաթակիր, երկու անգամ՝ Եվրոպա լիգայի, մեկ անգամ՝ ՈՒԵՖԱ-ի Սուպերգավաթի հաղթող։
2024/25 մրցաշրջանն իսպանացին վարձավճարով անցկացրել էր «Սևիլիայում»:
