Վրաստանում շարունակվող շախմատի Եվրոպայի թիմային առաջնության 5-րդ մրցափուլում տղամարդկանց և կանանց Հայաստանի հավաքականները հաղթել են:
Տղամարդկանց Հայաստանի հավաքականը 3,5-0,5 հաշվով հաղթել է Չեռնոգորիայի թիմին: Շանթ Սարգսյանը, Ռոբերտ Հովհաննիսյանը և Հայկ Մարտիրոսյանն իրենց պարտիաներն ավարտել են հաղթանակով, Գաբրիել Սարգսյանը ոչ-ոքի է գրանցել:
Կանանց Հայաստանի հավաքականն էլ 2,5-1,5 հաշվով հաղթել է Շվեյցարիայի թիմին: Մարիամ Մկրտչյանն ու Էլինա Դանիելյանը տարել են որոշիչ հաղթանակներ:
Հայաստանի հավաքականները դեռևս առաջատարների խմբում չեն:
