«Միլանի» հարձակվող Ֆրանչեսկո Կամարդան կտեղափոխվի «Լեչե», հայտնում է ինսայդեր Նիկոլո Սկիրան։
«Ջալոռոսին» մինչև 2025/26 մրցաշրջանի ավարտը կվարձակալի 17-ամյա ֆուտբոլիստին և կունենա 3 միլիոն եվրոյով նրա տրանսֆերային իրավունքը գնելու հնարավորություն։
Եթե «Լեչեն» ձեռք բերի Կամարդայի տրանսֆերային իրավունքը, ֆուտբոլիստի հետ մինչև 2030թ. հուլիսի 1-ը ժամկետով պայմանագիր կստորագրի։ «Միլանն» էլ հետագայում 4 միլիոն եվրոյով իր սանին վերադարձնելու իրավունք կունենա։
«Լեչեի» մամուլի ծառայությունն արդեն հայտնել է, որ պատանի ֆուտբոլիստը հուլիսի 6-ին ժամանել է ակումբի մարզաբազա։ Կամարդան հուլիսի 7-ին բուժզննում կանցնի նոր թիմի համար։
Կամարդան «Միլանի» համակարգում է 2015 թվականից, ակումբի հիմնական թիմում մասնակցել է 16 հանդիպման։ Նա «Ռոսոներիի» պատմության մեջ ամենաերիտասարդ ֆուտբոլիստն է՝ 2025թ. նոյեմբերի 23-ին «Ֆիորենտինայի» դեմ խաղին մասնակցելով 15 տարեկան 8 ամսական 15 օրականում։
