«Միլանը» մոտ է «Բրյուգեի» կիսապաշտպան Արդոն Յաշարիին ձեռք բերելուն, սոցցանցերում գրում է ինսայդեր Նիկոլո Սկիրան։
Ակումբների բանակցությունները վերջին փուլում են. «Ռոսոներին» շվեյցարացի ֆուտբոլիստի տեղափոխության համար կվճարի 38 միլիոն եվրո։
22-ամյա ֆուտբոլիստն իտալական գրանդի հետ 5 տարվա պայմանագիր է համաձայնեցրել։
Յաշարին «Բրյուգե» է տեղափոխվել 2024թ. ամռանը, 52 խաղում խփել է 4 գոլ, կատարել 6 ասիստ։


