Logo

Տիգրան Բարսեղյանը` Սլովակիայի առաջնության լավագույն ֆուտբոլիստ

14:25 / 19.05.2025Ֆուտբոլ
null

Հայաստանի ազգային հավաքականի կիսապաշտպան Տիգրան Բարսեղյանը ճանաչվել է Սլովակիայի առաջնության 2024/25 մրցաշրջանի լավագույն ֆուտբոլիստ, հայտնում է լիգայի մամուլի ծառայությունը։

31-ամյա ֆուտբոլիստը պարգևատրվել է մայիսի 18-ին կայացած հատուկ մրցանակաբաշխության ժամանակ։ Նա ստացել է նաև առաջնության գլխավոր ռմբարկուի մրցանակը։

Հայ ֆուտբոլիստը Բրատիսլավայի «Սլովանի» կազմում Սլովակիայի առաջնության ավարտված մրցաշրջանում 30 խաղում 20 գոլ է խփել ու գլխավոր ռմբարկուի կոչումը կիսել իր խաղընկեր Դավիդ Ստրելեցի հետ։

Բարսեղյանը «Սլովանի» հետ չորրորդ անգամ անընդմեջ դարձել է երկրի չեմպիոն։

fastnews-ads-banner