UFC-ի թեթև քաշային կարգի երկրորդ համար Արման Ծառուկյանը Overdogs փոդքասթի ժամանակ գրազ է առաջարկել իր քաշային կարգի նորընծա չեմպիոն Իլյա Տոպուրիային:
«Եթե պարտվեմ, նրան 500 հազար դոլար կտամ։ Եթե հաղթեմ, նա ինձ 500 հազար դոլար կտա: Եթե նա պատրաստ է, կարող ենք մենամարտել»,- ասել է 28-ամյա հայ մարտիկը:
Ավելի վաղ վրացին հայտարարել էր, որ չի պատրաստվում Ծառուկյանի հետ տիտղոսի պաշտպանության մենամարտ անցկացնել:
