UFC-ի ավստրալացի մարտիկ Ալեքսանդր Վոլկանովսկին և Իսպանիան ներկայացնող վրացի Իլյա Թոփուրիան կշռվել են կիսաթեթև քաշային կարգի չեմպիոնական գոտու համար մենամարտից առաջ:
Երկու մարտիկներն էլ ունեն նույն քաշը՝ 65,54 կգ: Փետրվարի 15-ին էլ կայացել է Վոլկանովսկիի և Թոփուրիայի հայացքների մենամարտը, կողմերը չեն բախվել միմյանց:
UFC 298-ը կանցկացվի փետրվարի 18-ին ԱՄՆ-ի Անահայմ քաղաքում:
Հիշեցնենք, որ Թոփուրիան օկտագոնում անցկացրել է 14 մենամարտ և տարել նույնքան հաղթանակ: Վոլկանովսկին 29 մենամարտում տարել է 26 հաղթանակ, ունի երեք պարտություն:
