Right top 912x274

Middle 1888 x 378

Post page 1888 x 286

Right bottom  912x594

Fastex Պրեմիեր լիգայի 26-րդ տուրում &laquo;Նոան&raquo; 17-րդ անընդմեջ հաղթանակը տոնելով, ոչ միայն ՀՀ առաջնությունների պատմության նոր ռեկորդ սահմանեց, այլև մոտակա հետապնդողներից միավորների տարբերությունը հասցրեց 13-ի:

FastNews-ը տուրի ամենաուշագրավ իրադարձությունները ներկայացնում է 10 փաստի տեսքով:

1. Տուրն անցավ հյուրերի առավելությամբ, որոնք 3 հաղթանակ տոնեցին, մեկ խաղ ավարտեցին ոչ-ոքի, կրեցին մեկ պարտություն: Դաշտի տերերից միակ հաղթանակը տարավ &laquo;Վեստ Արմենիան&raquo;: Առաջնությունում կայացած 127 հանդիպումներից 53-ում հաղթել են դաշտի տերերը, 54-ում հաջողությունն ուղեկցել է հյուրերին, 20 խաղում էլ գրանցվել է ոչ-ոքի:

Կայացած 5 հանդիպումներում խփվեց 16 գոլ (միջինը մեկ խաղում՝ 3,2 գոլ): Առաջնության 127 հանդիպումներում գրանցվել է 385 գոլ (միջինը մեկ խաղում՝ 3,03 գոլ):

2. &laquo;Ալաշկերտն&raquo; առաջատար հնգյակում գտնվող թիմերի հետ վերջին 3 խաղերն էլ ավարտեց ոչ-ոքի արդյունքով: Առաջնության գարնանային հատվածում թիմի անցկացրած 6 խաղերից 4-ում ոչ-ոքի է գրանցվել: Արդեն 12 խաղ է, ինչ &laquo;Ալաշկերտին&raquo; չի հաջողվում հաղթանակ տոնել:

<img src="https://scontent.fevn6-4.fna.fbcdn.net/v/t39.30808-6/490181009_1094037429434068_2208100234028619689_n.jpg?_nc_cat=103&amp;ccb=1-7&amp;_nc_sid=127cfc&amp;_nc_ohc=COxKfRIAoekQ7kNvwFL2clW&amp;_nc_oc=AdkgL86nCSLHHJLrXeNuKE4QeT8EZ4tbUqJfYRN_QNcfTN00lIp4wF0QigNl47LBzp_xbigv1o5NiNq0vlZWKdSn&amp;_nc_zt=23&amp;_nc_ht=scontent.fevn6-4.fna&amp;_nc_gid=nEE55AX0rRPLpwRE-bMz6Q&amp;oh=00_AfHYTgCLIxkwfguN2lGf96CzXTRR9DjI0ZQyQF9FaxJv0A&amp;oe=6802D195" />

3. &laquo;Վանն&raquo; ընթացիկ առաջնությունում 12-րդ հաղթանակը տոնեց, ինչը թիմի պատմության մեջ նոր ռեկորդային ցուցանիշ է: ՀՀ առաջնություններում չարենցավանյան ակումբը առավել շատ հաղթանակներ տոնել էր 2022/23թթ. մրցաշրջանում՝ 11: Մինչև այդ &laquo;Վանը&raquo; թարմացրել էր նաև մեկ մրցաշրջանում խփած գոլերի քանակով թիմի լավագույն ցուցանիշը:

Առաջնության վերջին 8 հանդիպումներում Վահե Գևորգյանի գլխավորած թիմն անպարտելի է՝ տոնելով 5 հաղթանակ:

4. &laquo;Շիրակը&raquo; Գյումրիում հերթական պարտությունը կրեց, որը 3-րդ անընդմեջն էր: Ընթացիկ առաջնությունում շիրակցիները շատ անհաջող են խաղում սեփական դաշտում՝ 12 հանդիպումներում վաստակելով ընդամենը 9 միավոր:

5. &laquo;Վեստ Արմենիան&raquo; ընթացիկ առաջնությունում 2-րդ հաղթանակը տոնեց &laquo;Արարատի&raquo; նկատմամբ՝ ընդհատելով 3 անընդմեջ պարտությունների շարքը:

6. Փյունիկցի Մատաս Վարեյկան առաջնության վերջին 4 խաղերում դաշտից չի հեռացել առանց գոլի՝ մեկական անգամ գրավելով մրցակիցների դարպասները: Առաջնությունում անցկացրած 7 հանդիպումներում լիտվացի ֆուտբոլիստն արդեն 5 գոլ է խփել:

<img src="https://scontent.fevn6-6.fna.fbcdn.net/v/t39.30808-6/490474315_1272582644872591_3386942076582894179_n.jpg?_nc_cat=101&amp;ccb=1-7&amp;_nc_sid=833d8c&amp;_nc_ohc=5d3eDfmsubEQ7kNvwHmzTHR&amp;_nc_oc=AdkCc-kOQQtt77fg01Iz4brEDNcUHZ7iJGEHlIfvZOOKvQYPtTs5hjdcBYk3PY8zti00TfIsRhe9QO-lM5Ji5ZM4&amp;_nc_zt=23&amp;_nc_ht=scontent.fevn6-6.fna&amp;_nc_gid=UntjOGT6FLsDqzeC-0tkKA&amp;oh=00_AfEmrEWpCTgScypuyXENG6RXbrVYav7VwhORXg7NIg_1BA&amp;oe=6803014A" />

7. Ջուլիեն Բատիոնոն (&laquo;Վան&raquo;), &laquo;Վեստ Արմենիայի&raquo; ֆուտբոլիստներ Ջեֆերսոն Գրանադոն ու Ռոմեն Բլեյքը և արարատցի Կեսե Բան բացեցին գոլերի հաշիվը Fastex Պրեմիեր լիգայում: Բատիոնոն ընդգրկվեց &laquo;Վանի&raquo; կազմում գոլ խփած ամենաերիտասարդ ֆուտբոլիստների հնգյակում: Նա &laquo;Շիրակի&raquo; դարպասը գրավեց 19 տարեկան 182 օրականում: Ցանկը գլխավորում է ձմռանը թիմից հեռացած Ջոն Բատիգին, որը գոլերի հաշիվը բացել էր 18 տարեկան 53 օրականում:

8. Ալաշկերտցի Ալեքսանդր Գլիշիչը Fastex Պրեմիեր լիգայում հոբելյանական՝ 100-րդ խաղն անցկացրեց: Խաղերից 64-ին բոսնիացի ֆուտբոլիստը մասնակցել է &laquo;Ալաշկերտի&raquo; կազմում: Այդ ցուցանիշով Գլիշիչը թիմի ներկայիս կազմի ֆուտբոլիստներից զիջում է միայն Աննան Մենսահին, որն &laquo;Ալաշկերտում&raquo; 66 խաղ է անցկացրել:&nbsp;

9. Սերգեյ Մուրադյանը ԲԿՄԱ-ի հետ մրցավեճում մտնելով փոխարինման, &laquo;Նոայում&raquo; բոլոր մրցաշարերում 72-րդ խաղն անցկացրեց ու դարձավ թիմի ռեկորդակիրը՝ գերազանցելով Բենիկ Հովհաննիսյանին:

<img src="https://scontent.fevn6-4.fna.fbcdn.net/v/t39.30808-6/483064188_1237601944679056_9076567863546693942_n.jpg?_nc_cat=109&amp;ccb=1-7&amp;_nc_sid=833d8c&amp;_nc_ohc=DN1fEBuK9t8Q7kNvwFKSBEG&amp;_nc_oc=AdmFTxW-I8Br76rK0_0MhqKzIsJ02IoF9YJWC-nXXgc3bAYZtoneJH61nkwTxAzJaDa7up4sMOgaFLqrkOYhZew5&amp;_nc_zt=23&amp;_nc_ht=scontent.fevn6-4.fna&amp;_nc_gid=HD0IjrkqnCLXuL-L_USN7g&amp;oh=00_AfFqtDof-Qk19WksJH2-oCV2j3qv8c9HZAzmXv8m9vcscA&amp;oe=6802E990" />

Մուրադյանը 3-րդ մրցաշրջանն է անցկացնում հարազատ ակումբում, որի կազմում սկսել է պրոֆեսիոնալ ֆուտբոլիստի իր կարիերան: Հետաքրքիր է, որ &laquo;Նոայում&raquo; Սերգեյը նորամուտը նշել է 2023թ. փետրվարի 27-ին հենց ԲԿՄԱ-ի հետ առաջնության խաղում:

10. Տուրում գրանցվեց երկու ինքնագոլ: Սեփական դարպասը գրավեցին &laquo;Ուրարտուի&raquo; պաշտպան Դմիտրի Տիխին և փյունիկցի Սերգեյ Վակուլենկոն: Ընթացիկ առաջնությունում գրանցվել է 8 ինքնագոլ: