«Մանչեսթեր Յունայթեդի» արգենտինացի կիսապաշտպան Ալեխանդրո Գառնաչոյի ընկերուհին՝ Էվա Գարսիան, Ինստագրամի Stories բաժնում հրապարակում է արել՝ ըստ ամենայնի ակնարկելով 20-ամյա խաղացողի հեռանալը մանկունիական ակումբից:
«Վերջին խաղը»,- գրել է Գարսիան «Մանչեսթեր Յունայթեդի» համազգեստի լուսանկարին կից: Գառնաչոյի ընկերուհին օգտագործել է լաց լինելու, սրտի ու աստղերի էմոջիներ:
Հնարավոր է՝ Էվա Գարսիան նկատի է ունեցել մրցաշրջանի վերջին խաղը: Այդուհանդերձ, նախօրեին The Athletic-ը գրել էր, որ «Մանչեսթեր Յունայթեդի» գլխավոր մարզիչ Ռուբեն Ամորիմն իր խաղացողներին հայտնել է, որ մնալու է ակումբում, իսկ Գառնաչոյին ասել է, որ նա տեղ չունի թիմում: Այս համատեքստում Գառնաչոյի ընկերուհու հրապարակումը, մեծ հավանականությամբ, վերաբերում է ոչ թե մրցաշրջանի, այլ ակումբում վերջին խաղին:
Անգլիայի Պրեմիեր լիգայի 2024/25 մրցաշրջանի վերջին տուրում «Մանչեսթեր Յունայթեդը» մայիսի 25-ին՝ ժամը 19:00-ին, կընդունի «Ասթոն Վիլային»: Խաղը կհեռարձակվի Fast TV հավելվածում (iOS, Android):
