Լրագրող Ռոբերտո Մորալեսը COPE-ի եթերում մեկնաբանել է Մադրիդի «Ռեալի» ու թիմի հարձակվող Վինիսիուս Ժունիորի միջև նոր պայմանագրի վերաբերյալ տարաձայնությունը:
Վինին ցանկանում է ֆինանսական պայմանների բարելավում, իսկ «Ռեալը» որոշել է, որ բրազիլացին չի վաստակի այնքան, որքան Կիլիան Մբապեն:
«Երբ Վինիսիուսը կարծեց, թե ինքը «Ոսկե գնդակի» հաղթողն է, գրեթե կասկած չկար, որ հենց նա էր նախաձեռնել նոր պայմանագրի հարցը և կարող էր պահանջել մի շարք պայմանների կատարում։
Բայց հիմա իրավիճակը տարբեր է։ Վինիսիուսի անկումը նախորդ մրցաշրջանում ստիպեց «Ռեալին» կենտրոնանալ Մբապեի առաջընթացի վրա։ Հիմա «Ռեալը» պետք է լինի ժամանակը վերահսկողը, պայմանները թելադրողը։
Վինիսիուսի հեռանալը չի համարվի այնքան դրամատիկ, որքան կլիներ երկու տարի առաջ։ Այս իրավիճակում Վինիսիուսի հեռանալն ակումբի համար խնդիր չի լինի»,- ասել է Մորալեսը։
2024/25 մրցաշրջանում բրազիլացին մասնակցել է 58 խաղի, որոնցում խփել է 22 գոլ և կատարել 19 գոլային փոխանցում։ Ֆուտբոլիստի և ակումբի պայմանագիրը նախատեսված է մինչև 2027 թվականի ամառը։ Transfermarkt-ի համաձայն՝ Վինիսիուսի տրանսֆերային արժեքը 170 միլիոն եվրո է։
Կարդացեք նաև՝
- Ռոմանո. Բելինգհեմը վիրահատվել է ու երկար ժամանակ կբացակայի խաղադաշտից
- «Ռեալը» 50 միլիոն եվրոյով վերադարձրել է իր սանին
- «Այս օրը դու երբեք չես մոռանա». Պերեսը՝ «Ռեալի» նորեկին
- Ինչպես է խաղում «Ռեալի» նորեկ Ալվարո Կառերասը
- «Նրանք 21-ի փոխարեն 20 օր կհանգստանան». Լա լիգայի առաջին տուրում «Ռեալի» հանդիպումը չի հետաձգվի
