Ժամանակակից հայ կինոյի և թատրոնի դերասան Հրաչյա Հարությունյանի անունը հայտնի է բոլորին։ Մենք հավաքագրել ենք մի քանի կենսագրական փաստ դերասանի մասին:
9 փաստ. Հրաչյա Հարությունյան
1.Հրաչյա Հարությունյանը ծնվել է Երևանում, 1961թ․-ի փետրվարի 14-ին։
2.1979-1981թթ․ Հրաչյա Հարությունյանը սովորել է «Հայհամերգ» միավորմանը կից էստրադային-կրկեսային ստուդիայի կրկեսային բաժնում, ստացել է օրիգինալ ժանրի արտիստի որակավորում:
3.1984թ-ին ավարտել է Երևանի Գեղարվեստա-թատերական ինստիտուտի դերասանական բաժինը։
«Թատրոնը կենդանի արվեստ է և չի կարող մահանալ»
4.1978թ․-ից աշխատում է Երևանի Հրաչյա Ղափլանյանի անվան դրամատիկական թատրոնում որպես դերասան և բեմադրիչ։
5.Ամուսնացած է, կինը ՀՀ վաստակավոր արտիստուհի, երգչուհի Սյուզան Մարգարյան, դուստրը՝ ՀՀ վաստակավոր արտիստուհի, երգչուհի Սիրուշոն։
6.Հրաչյա Հարությունյանը Երևանում և ԱՄՆ-ում բեմադրել է մի շարք ներկայացումներ՝ «Բեատրիչե», «Ցիլինդր», «Չաո», «Հյուրանոցի տիրուհին», «Մահ իտալական ձևով» և այլն:
«Տղամարդը պետք է լինի մարդ, ինչպես, որ կինը՝ առաջին հերթին, ու զերծ լինի նման հիմարություններից, որոնք են՝ կոպտություն, վայրենություն, բռնություն ու էլի շատ ու շատ նմանատիպ բաներից: Հոգատար, հնազանդ, խելացի լինելը ոչ պակաս տղամարդկություն է»
7. Նկարահանվել է բազմաթիվ ֆիլմերում և հեռուստասերիալներում, այդ թվում «Սպանել տղամարդուն», «Ես և նա», «Ճերմակ Անուրջներ», «Հին Աստվածներ», «Խաչագողի Հիշատակարանը», «Քրմուհին» և այլն:
8. Հյուրախաղերով հանդես է եկել մի շարք երկրներում: Խաղացել է մի քանի տասնյակ դերեր բազմաթիվ ներկայացումներում, որոնցից են` Վ.Շեքսպիրի «Համլետ», «Ռոմեո և Ջուլիետ», «Հուլիոս Կեսար»:
9. 2006թ. արժանացել է Հայաստանի վաստակավոր արտիստի կոչման, 2012թ.` ՀՀ Պետական մրցանակի, 2011թ.՝ ՀԹԳՄ ոսկե մեդալի, իսկ 2011թ.՝ ՀԹԳՄ Արտավազդ մրցանակի:
