UFC-ի թեթև քաշային կարգի վարկանիշային աղյուսակի առաջին համար Արման Ծառուկյանն արձագանքել է ամերիկացի Ջասթին Գեյջիի ու բրիտանացի Փեդի Փիմբլեթի միջև ժամանակավոր տիտղոսի համար մենամարտի կազմակերպմանը։
«Չեմ կարողանում հասկանալ այս ամենի իմաստը»,- գրել է Ծառուկյանը։
make it make sense 🤦🏻♂️
— Arman Tsarukyan UFC (@ArmanUfc) November 28, 2025
Հայ մարտիկը Դեն Հուկերին հաղթելուց հետո ասել էր՝ պատրաստ է չեմպիոնական մենամարտ անցկացնել Իլյա Տոպուրիայի հետ, սակայն Տոպուրիան հայտարարել է, որ օկտագոն կվերադառնա 2026 թվականի ապրիլից ոչ շուտ։
Թեթև քաշային կարգի ժամանակավոր չեմպիոնական գոտու համար մենամարտը տեղի կունենա հունվարի 25-ին։
UFC-ի մրցաշարերը ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր մենամարտերը հեռարձակվում են Fast TV հավելվածում (iOS, Android):
