Միլանի «Ինտերի» պաշտպան Ալեսանդրո Բաստոնին «Բարսելոնայի» դեմ Չեմպիոնների լիգայի կիսաեզրափակիչի պատասխան խաղից առաջ կայացած մամուլի ասուլիսում խոսել է կատալոնական ակումբի վինգեր Լամին Յամալի մասին:
«Յամալը լավագույն ֆուտբոլիստն է, որի դեմ պաշտպանվել եմ։ Նրա՝ գոլային պահեր ստեղծելու ունակությունը լավագույնն է, որ երբևէ տեսել եմ։ Մենք ստիպված ենք կրկնակի կամ եռակի շատ հսկել նրան»,- իտալացի պաշտպանի խոսքը մեջբերում է TNT Sports-ը։
«Բարսելոնա» - «Ինտեր» դիմակայության առաջին խաղում (3-3) 17-ամյա Յամալը խփել էր իր թիմի գոլերից մեկը։ Այդ խաղում նա նաև 11 անգամ դրիբլինգի էր դիմել և 6 անգամ շրջանցել մրցակիցներին։
Ակումբների պատասխան հանդիպումը կկայանա մայիսի 6-ին ու Երևանի ժամանակով 22:45-ից կլինի «Ֆասթ Սպորտ»-ի ուղիղ եթերում։
Կարդացեք նաև՝
- Ինձագի. «Կփորձենք օգտագործել տանը խաղալու գործոնը և ուժեղ պայքար մղել եզրափակիչի համար»
- Ֆլիկ. «Լևանդովսկիի համար լավ կլինի «Ինտերի» դեմ խաղը սկսել պահեստայինների նստարանին»
- «Որոշված է». Ֆլիկն ասել է՝ ով կպաշտպանի «Բարսայի» դարպասն «Ինտերի» ու «Ռեալի» դեմ խաղերում
- Դենզել Դյումֆրիսը Չեմպիոնների լիգայի շաբաթվա լավագույն ֆուտբոլիստն է
- Չեմպիոնների լիգայի շաբաթվա խորհրդանշական հավաքականը
- ՉԼ. «Ինտեր» - «Բարսելոնա». Մրցավարական անձնակազմը
Չեմպիոնների լիգայի հանդիպումները ցուցադրվում են «Ֆասթ Մեդիա»-ի հեռուստաալիքներով ու Fast TV հավելվածում (iOS, Android)։
