Բրազիլիայի Լիգա Պաուլիստայի գավաթի խաղարկության 6-րդ տուրի «Մոնտե Ասուլ» - «Գրեմիո Պրուդենտե» (1-1) խաղում հյուրերի հարձակվող Կեսլին խփած գոլը Կրիշտիանու Ռոնալդուի ոճով տոնելու պատճառով վնասվածք է ստացել ու փոխարինվել։
30-ամյա ֆուտբոլիստը 79-րդ րոպեին աչքի է ընկել 11-մետրանոցից ու փրկել պարտությունից «Գրեմիո Պրուդենտեին»։ Գոլը տոնելիս ֆուտբոլիստի ծունկը ծալվել է։ Նա ընկել է խոտածածկին և չի կարողացել շարունակել հանդիպումը։
CNN Brasil-ի տեղեկություններով` Կեսլին վնասվածքի լրջությունը պարզելու համար պետք է բուժզննում անցնի։
