Ֆուտբոլի Հայաստանի ազգային հավաքականը մարտի 26-ին Պրահայի «Լետնա» ստադիոնում ընկերական հանդիպում կանցկացնի Չեխիայի թիմի դեմ:
Հանդիպումը կսպասարկի ավստրիացի Յուլիան Վայնբերգերի գլխավորած մրցավարական անձնակազմը, հայտնում է ՈւԵՖԱ-ի մամուլի ծառայությունը: Նրան եզրերում կօգնեն Մաքսիմիլիան Կոլբիչն ու Անդրեաս Ուայթչնիգը: Չորրորդ պաշտոնյան կլինի չեխ Յան Պետրիկը:
Չեխիա - Հայաստան հանդիպումը կմեկնարկի Երևանի ժամանակով 23:00-ին և կցուցադրվի «Ֆասթ Սպորտ» հեռուստաալիքի ուղիղ եթերում։
Հիշեցնենք, որ Հայաստանի ազգային հավաքականը մարտի 22-ին տնային ընկերական խաղում 0-1 հաշվով պարտվել էր Կոսովոյի թիմին: Չեխերը նույն օրն արտագնա ընկերական խաղում 2-1 հաշվով հաղթել են Նորվեգիայի հավաքականին:
