«Մանչեսթեր Յունայթեդի» առաջատար Բրունու Ֆեռնանդեշը որոշել է մնալ ակումբում և մերժել է «Ալ Հիլալի» առաջարկը, գրում է ինսայդեր Ֆաբրիցիո Ռոմանոն:
30-ամյա ֆուտբոլիստին Սաուդյան Արաբիայից առաջարկել էին աշխատավարձի եռապատկում, իսկ «Մանչեսթեր Յունայթեդին»՝ 100 միլիոն եվրո տրանսֆերի համար:
Պորտուգալացին մի քանի օր ընտանիքի հետ քննարկել է առաջարկը և որոշել է մերժել այն:
«Մանչեսթեր Յունայթեդի» ավագը թիմում խաղում է 2020 թվականի հունվարից: Այս ընթացքում նա անցկացրել է 290 խաղ, խփել 98 գոլ և կատարել 86 ասիստ:
