Իտալիայի ֆուտբոլի ֆեդերացիան պաշտոնապես ներկայացրեց ազգային թիմի նորանշանակ գլխավոր մարզիչ Ջենարո Գատուզոյին, հայտնում է կազմակերպության մամուլի ծառայությունը:
47-ամյա մասնագետն այս պաշտոնում փոխարինել է իր հայրենակից Լուչանո Սպալետիին, որն ավելի վաղ հեռացվել էր հավաքականի ղեկից:
Կողմերը «1+1» համակարգով պայմանագիր են կնքել: Գատուզոն տարեկան 1 միլիոն եվրոյից պակաս աշխատավարձ կստանա:
Իտալիայի ֆուտբոլի ֆեդերացիան նոր մարզչի առջև խնդիր է դրել թիմին դուրս բերել Մունդիալ-26-ի եզրափակիչ փուլ:
Ջենարո Գատուզոն մարզչական կարիերայի ընթացքում գլխավորել է «Միլանը», «Նապոլին», իսպանական «Վալենսիան», ֆրանսիական «Մարսելը» և խորվաթական «Հայդուկը»:
