Կատալոնական «Բարսելոնան» գլխավորող Հանսի Ֆլիկը Կառլո Անչելոտիից հետո դարձավ ամենատարեց մարզիչը, որին հաջողվել է հռչակվել Իսպանիայի չեմպիոն, հայտնում է լրագրող Պեդրո Մարտինը:

Գերմանացի մասնագետն այդ նվաճմանը հասավ 60 տարեկանում:

Ֆլիկին հաջորդում են Էռնեստո Վալվերդեն, որը «Բարսայի» հետ չեմպիոն է հռչակվել 54 տարեկանում, և Մաքս Մերկելը, որը չեմպիոն է դարձել «Աթլետիկոյի» հետ նույնպես 54 տարեկանում:

Կառլո Անչելոտին «Արքայական ակումբի» հետ Լա լիգայի հաղթողի տիտղոսը նվաճել էր 62 տարեկանում:

Հիշեցնենք, որ «Բարսելոնան» արտագնա խաղում տարած հաղթանակից հետո վաղաժամ նվաճել էր Իսպանիայի չեմպիոնի տիտղոսը՝ մրցանակը հաղթելով պատմության մեջ 28-րդ անգամ: Գերմանացի Հանսի Ֆլիկի գլխավորած թիմը Լա լիգայի 2024/25 մրցաշրջանի ավարտից երկու տուր առաջ անհասանելի է դարձել մոտակա հետապնդող «Ռեալի» համար:

Կարդացեք նաև՝

• Ժոան Լապորտա. «Դեկուն է ինձ համոզել պայմանագիր կնքել Ֆլիկի հետ»
• Հանսի Ֆլիկ. «Ակումբը և ֆուտբոլիստները գոհ են ինձանից»
• «Էսպանյոլի» գլխավոր մարզիչ. «Ես Յամալին ասացի, որ դադարի սուզվել և սադրել»
• Մեսին շնորհավորել է «Բարսային»
• «Ռեալը» շնորհավորել է «Բարսելոնային» չեմպիոնության առթիվ
• «Էսպանյոլն» անմիջապես միացրել է խաղադաշտի ջրցանները. «Բարսան» տոնում էր չեմպիոնությունը