Հայաստանի ազգային հավաքականի նախկին հարձակվող Գեղամ Կադիմյանը Չարենցավանի «Վանից» հեռանալուց երկու տարի անց շարունակում է կարիերան և կես մրցաշրջան է անցկացրել Չեխիայի երրորդ լիգայում հանդես եկող «Զնոյմոյում»:
32-ամյա ֆուտբոլիստը մասնակցել է 10 խաղի, խփել մեկ գոլ և կատարել նույնքան ասիստ: Հայ ֆուտբոլիստի թիմն առաջնությունն ավարտել է վերջին տեղում և նահանջել ավելի ցածր դիվիզիոն:
Հիշեցնենք, որ Կադիմյանը նախկինում Հայաստանի ազգային հավաքականի կազմում 13 խաղ էր անցկացրել և խփել երկու գոլ: