ՀՖՖ-ն և ՄԱԿ-ի Փախստականների գործակալությունը հայտարարել են փախստականի կարգավիճակ ունեցող սիրողական ֆուտբոլիստների թիմի ձևավորման մեկնարկի մասին, որը հոկտեմբերին մասնակցելու է Unity EURO Cup 2025 միջազգային մրցաշարին, հաղորդում է ՀՖՖ պաշտոնական կայքը:

Մրցաշարը տեղի կունենա հոկտեմբերին Նիդերլանդներում: Այս մրցաշարն ՈՒԵՖԱ-ի և ՄԱԿ-ի՝ Փախստականների հարցերով գերագույն հանձնակատարի գրասենյակի (UNHCR) համատեղ նախաձեռնության մի մասն է, որն ուղղված է ֆուտբոլի միջոցով փախստականների ինտեգրմանը նպաստելուն։

Հայաստանը նախորդ երկու տարիներին մասնակցել է Unity EURO Cup-ին։ 2024 թվականին Հայաստանի փախստականների թիմը զբաղեցրել է 5-րդ տեղը։