Կազանի «Ռուբինի» կիսապաշտպան Ուգոչուկվու Իվուն բաց կթողնի Հայաստանի ազգային հավաքականի առաջիկա հանդիպումները, հայտնում է ՀՖՖ մամուլի ծառայությունը։
25-ամյա ֆուտբոլիստը «Նիժնի Նովգորոդի» դեմ Ռուսաստանի Պրեմիեր լիգայի 15-րդ տուրի խաղում (0-0) մկանային վնասվածք է ստացել և չի միանա ազգային հավաքականին։
Եղիշե Մելիքյանի գլխավորած թիմն աշխարհի 2026թ. առաջնության եվրոպական գոտու ընտրական մրցաշարի F խմբում նոյեմբերի 13-ին Երևանի` Վազգեն Սարգսյանի անվան «Հանրապետական» ստադիոնում կընդունի Հունգարիային, իսկ նոյեմբերի 16-ին մրցակցի դաշտում կհանդիպի Պորտուգալիային։
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
Կարդացեք նաև`
