Կարեն Նալբանդյանն ու Հենրիկ Նալբանդյանը նշանակումներ են ստացել ՈՒԵՖԱ-ի եվրագավաթային խաղերում, հայտնում է ՀՖՖ մամուլի ծառայությունը:
Կարեն Նալբանդյանը նշանակվել է ՈՒԵՖԱ-ի Կոնֆերենցիաների լիգայի որակավորման առաջին փուլի «Սիլեկս» (Հյուսիսային Մակեդոնիա) - «Դեչիչ» (Չեռնոգորիա) պատասխան հանդիպման մրցավարական անձնակազմի տեսուչ:
Հենրիկ Նալբանդյանի գլխավորած մրցավարական անձնակազմն էլ կսպասարկի ՈՒԵՖԱ-ի Եվրոպա լիգայի որակավորման առաջին փուլի «Պրիշտինա» (Կոսովո) - «Շերիֆ» (Մոլդովա) պատասխան հանդիպումը.
Մրցավար – Հենրիկ Նալբանդյան
Մրցավարի օգնականներ – Արթուր Գդլյան, Գևորգ Շախկալդյան
Չորրորդ պաշտոնյա – Յուրա Մահտեսյան
Տեսաօգնական – Զավեն Հովհաննիսյան
Տեսաօգնականի օգնական – Արտեմ Գասպարյան
Երկու հանդիպումն էլ կկայանա հուլիսի 17-ին:
