Ռուսաստանի չեմպիոն «Կրասնոդարը» մերժել է Էդուարդ Սպերցյանի համար «Սաութհեմփթոնի» կատարած վերջնական առաջարկը, հաղորդում է РБ Спорт-ը:

««Կրասնոդարը» վերջնական որոշում է կայացրել բաց չթողնել 25-ամյա ֆուտբոլիստին անգլիական ակումբ: «Ցլերն» այլ առաջարկների են սպասում: Որոշման գլխավոր պատճառն այն է, որ անգլիական կողմից գումար ստանալը բարդ է առկա պատժամիջոցների պայմաններում»,- նշում է աղբյուրը:

Այդուհանդերձ, «Կրասնոդարը» դեմ չի եղել երրորդ կողմի միջնորդությամբ գումարը ստանալուն, սակայն «Սաութհեմփթոնն» այդպիսի գործարք կատարելու համար որևէ երաշխիք չի տվել: 

Чемпионат-ի հաղորդմամբ էլ՝ Սպերցյանն անձամբ է որոշել չհեռանալ ռուսական ակումբից, և հայ ֆուտբոլիստն իր ակումբի հետ ոչ մի տարաձայնություն չունի: 

««Կրասնոդարը» պատրաստ էր համաձայնության գալ «Սաութհեմփթոնի» հետ, եթե ֆուտբոլիստն անգլիական ակումբ տեղափոխվելու հստակ և ակնհայտ ցանկություն ունենար: Ֆուտբոլիստի և «Կրասնոդարի» ղեկավարության միջև զրույցների ընթացքում կողմերն ընդհանուր որոշման եկան, որ պետք է սպասեն եվրապական ակումբներից այլ առաջարկների: Նրանց միջև ոչ մի հակասություն չկա»,- գրում է աղբյուրը:

Ավելի վաղ հայտնի էր դարձել, որ «Սաութհեմփթոնը» 18 միլիոն եվրո է առաջարկել Հայաստանի հավաքականի կիսապաշտպանի համար: 1

Կարդացեք նաև՝

• Սպերցյանի գործակալ. «Ռուսաստանից Եվրոպա տեղափոխվելն այլևս խնդիր չէ»
• Սպերցյանի գործակալը մտավախություն ունի, որ «Կրասնոդարը» թույլ չի տա նրան հեռանալ
• «Կարծում եմ՝ Էդիկը շատ կտխրի, եթե «Սաութհեմփթոն» չտեղափոխվի»․ Սպերցյանի գործակալ