«Լիվերպուլի» վինգեր Մոհամեդ Սալահը ճանաչվել է Անգլիայի Պրեմիեր լիգայի 2024/25 մրցաշրջանի լավագույն ֆուտբոլիստ, հայտնում է առաջնության պաշտոնական կայքը։
Եգիպտոսցին Պրեմիեր լիգայի ավարտվող մրցաշրջանում 37 խաղում 28 գոլ է խփել, կատարել 18 ասիստ` օգնելով «Լիվերպուլին» 20-րդ անգամ դառնալ Անգլիայի չեմպիոն։ Նա առաջնության գլխավոր ռմբարկուն է և ամենաշատ գոլային փոխանցում կատարած ֆուտբոլիստը։
Սալահը Պրեմիեր լիգայում լավագույնն էր ճանաչվել նաև 2017/18 մրցաշրջանում։
