Իսպանիայի գավաթակիր Մադրիդի «Ռեալի» նախագահ Ֆլորենտինո Պերեսը հայտարարել է, որ կատալոնական «Էսպանյոլի» հարձակվող Խոսելուին ձեռք բերելուց հետո «Արքայական ակումբ» այս ամռանն այլևս տրանսֆերներ չի կատարի:
- Խոսելուի տեղափոխության գործարքը կայացա՞ծ է:
- Այո՛, նա թիմին կմիանա հաջորդ շաբաթ:
- Կլինե՞ն այլ տրանսֆերներ:
- Ո՛չ,- Պերեսի խոսքը փոխանցում է Madrid Xtra-ն:
Ավարտված մրցաշրջանում Խոսելուն «Էսպանյոլի» կազմում անցկացրած 38 խաղում խփել է 17 գոլ ու կատարել 4 գոլային փոխանցում:
Ավելի վաղ մադրիդյան գրանդը 103 միլիոն եվրոյով Դորտմունդի «Բորուսիայից» գնել էր անգլիացի կիսապաշտպան Ջուդ Բելինգեմի տրանսֆերային իրավունքը:
