«Արսենալը» վտանգում է կորցնել իր ամենախոստումնալից տաղանդներից մեկին՝ Մայլզ Լուիս-Սկելիին, հայտնում է բրիտանական The Guardian-ը:
Երիտասարդ խաղացողի ծառայություններով լրջորեն հետաքրքրված է Մադրիդի «Ռեալը»։
Լուիս-Սկելիի պայմանագիրն «Արսենալի» հետ նախատեսված է մինչև 2026 թվականի ամառը։ Կողմերի միջև պայմանագրի երկարաձգման բանակցություններում այժմ դադար է, և դա նաև պայմանավորված է «Ռեալի» հետաքրքրվածությամբ:
17-ամյա Լուիս-Սկելին բեկումնային մրցաշրջան է անցկացրել «Արսենալում»՝ հաստատվելով որպես հիմնական կազմի խաղացող։ Մայլզը նաև իր խաղով վաստակել է Անգլիայի հավաքականում հանդես գալու հրավեր։ Ավարտված մրցաշրջանում Լյուիս-Սկելին «Արսենալի» կազմում մասնակցել է 40 խաղի, խփել 1 գոլ ու կատարել 2 ասիստ։
