Ֆորմուլա 1-ի ավստրիական «Ռեդ Բուլ» թիմի՝ պաշտոնանկ արված ղեկավար Քրիստիան Հորները կարող է 66 միլիոն ֆունտ (մոտ 90 միլիոն դոլար) փոխհատուցում ստանալ, հաղորդում է Daily Mail-ը։
Հորների պայմանագրի ժամկետի ավարտին դեռևս 5,5 տարի կար, նրա տարեկան աշխատավարձը 12 միլիոն ֆունտ էր:
«Փաստաբանները, հավանաբար, կպնդեն պայմանագրի մնացած մասի ամբողջական վճարման պահանջը: Հորները կարող է ստանալ 66 միլիոն ֆունտ», - գրել է հեղինակավոր աղբյուրը:
Հիշեցնենք, որ Հորներն ավստրական թիմը ղեկավարում էր հիմնադրման ժամանակվանից` 2005 թվականից:
