Աշխարհի երկրորդ ռակետ Կառլոս Ալկարասը դուրս եկավ «Ուիմբլդոնի» տղամարդկանց մենախաղի եզրափակիչ:
«Մեծ սաղավարտի» տարվա երրորդ մրցաշարի գործող չեմպիոնը կիսաեզրափակիչում չորս սեթում 6-4, 5-7, 6-3, 7-6 հաշվով հաղթեց աշխարհի 5-րդ ռակետ Թեյլոր Ֆրիցին: Իսպանացին ամերիկացու արգելքը հաղթահարեց 2 ժամ 48 րոպեում: Մրցախաղը ցուցադրվում էր «Ֆասթ Սպորտ»-ով:
Քիչ անց «Ֆասթ Սպորտ»-ով կմեկնարկի տղամարդկանց մենախաղի կիսաեզրափակիչի մյուս մրցախաղը` Յանիկ Սիներ - Նովակ Ջոկովիչ: