5 դարպասապահ հավակնում է ընդգրկվել Իսպանիայի Լա լիգայի 2024/25 մրցաշրջանի թիմում, հայտնում է առաջնության մամուլի ծառայությունը։
Հավակնորդների թվում են Տիբո Կուրտուան («Ռեալ Մադրիդ»), Յան Օբլակը («Աթլետիկո Մադրիդ»), Խոան Գարսիան («Էսպանյոլ»), Դավիդ Սորիան («Խետաֆե») և Աուգուստո Բատալյան («Ռայո Վալյեկանո»)։
Հաղթողը կորոշվի քվեարկության միջոցով։
Լա լիգայի ընթացիկ մրցաշրջանում ամենաշատ «չոր» հանդիպում անցկացրած դարպասապահը Յան Օբլակն է։ Սլովենացին 33 խաղից 14-ում գոլ բաց չի թողել։
