Իսպանական AS-ը տեղեկություն է հրապարակել Մադրիդի «Ռեալի» պաշտպաններ Անտոնիո Ռյուդիգերի, Դավիդ Ալաբայի, Դանի Կարվախալի և դարպասապահ Տիբո Կուրտուայի ապագայի մասին։ Այս խաղացողների պայմանագրի ժամկետը լրանում է 2025/26 մրցաշրջանի ավարտին:
«Արքայական ակումբը» կարող է համաձայնել Ռյուդիգերի տրանսֆերային իրավունքը վաճառելու տարբերակին, եթե ստանա բոլոր կողմերին հարմար առաջարկ։ Գերմանացի խաղացողի կարիերան, ամենայն հավանականությամբ, կշարունակվի Սաուդյան Արաբիայում։
Ալաբան, որը հաճախ է վնասվածք ստանում, թիմի ամենաբարձր վարձատրվող խաղացողներից է։ 2025/26 մրցաշրջանում ավստրիացին կլինի կենտրոնական պաշտպանի համար «Ռեալի» հինգերորդ ընտրությունը։
Կարվախալի ապագան անորոշ է մնում Տրենտ Ալեքսանդր-Առնոլդի ժամանումից հետո։ Սակայն այն փաստը, որ նա թիմի ավագն է, իսպանացու օգտին է։
Կուրտուայի դիրքն ու դերն ակումբում անհերքելի են։ «Ռեալը» քննարկում է նրա պայմանագրի ժամկետը երկու մրցաշրջանով երկարաձգելու հնարավորությունը (Marca-ն հաղորդում է, որ կողմերն արդեն կնքել են պայմանագիր, բայց ժամկետը մեկ տարով է-խմբ.): Ակումբը սովորաբար 30 տարեկանից բարձր խաղացողներին առաջարկում է ոչ թե երկու, այլ մեկ տարվա պայմանագիր:
Կարդացեք նաև՝
- «Ռեալի» 18-ամյա հարձակվող Էնդրիկն ամուսնացել է
- «Դու այն հայելին ես, որի մեջ պետք է նայեն առաջին թիմում խաղալու երազանք ունեցող երիտասարդները». Մոդրիչը՝ Վասկեսին
- talkSPORT. 350 միլիոն եվրո՝ Վինիսիուսի տրանսֆերի համար
- «Ռեալը» կրկին ռեկորդային եկամտով է ավարտել ֆինանսական տարին
- Աղբյուր. Պերեսն ու Ալոնսոն անհամաձայնություններ ունեն
