«Բավարիայի» նախկին հարձակվող Սանդրո Վագները նշանակվել է «Աուգսբուրգի» գլխավոր մարզիչ, հայտնում է ակումբի պաշտոնական կայքը։
Կողմերը պայմանագիր են կնքել, որն ուժի մեջ կլինի մինչև 2028թ. հունիսի 30-ներառյալ։
37-ամյա մասնագետը նախկինում մարզել է «Ունտերհաքինգը», իսկ 2023 թ. սեպտեմբերից Գերմանիայի ազգային հավաքականում ընդգրկված էր Յուլիան Նագելսմանի շտաբում։
Վագները «Բավարիայի» սան է, ակումբի համակարգում է եղել 1995-2008 և 2018-19թթ., 38 խաղում խփել է 11 գոլ, կատարել 3 ասիստ։