Ռուժա Իգնատովային կարելի է անվանել դարի խարդախը։ Խարիզմատիկ բուլղարացի գործարարը OneCoin կեղծ կրիպտոարժույթով գրեթե 4 միլիարդ դոլարի գործարքներով խաբել է միլիոնավոր մարդկանց ամբողջ աշխարհում։ Նրա մեծ տեղեկատվա-ժամանցային շոուները ցուցադրում էին կրիպտո թագուհուն որպես դոլար վաստակող դիվայի: Բանկում միլիարդներ ունենալով՝ կարելի է ակնկալել, որ Իգնատովան կծախսեր դրանք թանկարժեք իրերի համար, և նա հենց այդպես էլ անում էր: Վիկտորիայի և Ալբերտի լեգենդար թանգարանում իր ծննդյան տոնակատարությունից սկսած՝ Թոմ Ջոնսի ելույթով, մինչև Սոֆիայում և Սոզոպոլում մի քանի սեփականություն ունենալը․ նա ապրում է իրական թագուհու կյանքով:

Ներկայացնենք նրա ունեցվածքը՝

Հարուստ խաբեբան Լոնդոնում ունի ընդարձակ պենտհաուս

Կրիպտոարժույթի թագուհին իսկապես համապատասխանում էր այդ անվանն իր շքեղ լոնդոնյան բնակարանում՝ Քենսինգթոնի Abbots House բացառիկ բնակելի շենքում: BBC-ն կիսվել է բեռնակրի հիշողություններով, որը հանդիպել է Ռուժա Իգնատովայի հետ 2016-ին, երբ նա վերադառնալիս է եղել գնումներ կատարելուց իր բուլղարացի թիկնապահների հետ: 
«Այդ երկու խեղճերը ծանրաբեռնված էշերի պես շնչակտուր հետևում էին նրան, նրանցից յուրաքանչյուրը պետք է, որ 20 պայուսակ քարշ տալիս լիներ»,- պատմել է բեռնակիրը:

Այդ պայուսակները փաթեթավորված են եղել դիզայներական պիտակներով՝ Jimmy Choo, Prada, Calvin Klein։ 

Ակնհայտորեն արվեստի գիտակ չլինելով՝ խաբեբան անգին գլուխգործոցներ էր գնում, հավանաբար, որպեսզի ներդնի ամբողջ գումարը շոշափելի գործերում: Ըստ BBC-ի հոդվածի՝ լոնդոնյան պենտհաուսում տեղ են գտել Լոնդոնի Halcyon պատկերասրահի մոտ 600 000 դոլար արժողությամբ ստեղծագործություններ: 

Ոչինչ այնպես չի վկայում հարստության մասին, ինչպես 7,5 միլիոն դոլար արժողությամբ շքեղ զբոսանավը

Daily Mail-ը կիսվել է քննիչի պատմությունով, որը տարիներ հետևել է բուլղարուհի Ռուժա Իգնատովային: Նրա տեսության համաձայն՝ Իգնատովան փախել է իր հայրենի Բուլղարիա, այնուհետև Դուբայ, և այժմ լավագույն կյանքով ապրում է իր 44 մ երկարությամբ «Davina» մասնավոր սուպերզբոսանավում՝ Միջերկրական ծովում: 

Այն կարող է տեղավորել 12 հյուրի 6 խցիկներում՝ բաժանված երեք հիմնական ննջասենյակների, 1 VIP-ի, երեք երկտեղանոցի և երկու երկտեղանոցի։ Նրա զբոսանավն ունի սարքերով հագեցած մարզասրահ, տախտակամածի վրա գտնվող ջակուզի և ստորջրյա դիտման ցնցող հարթակ: 

Նախատեսում է նաև կառուցել 2,5 միլիոն դոլար արժողությամբ ծովափնյա առանձնատուն

Գործարար կինը, հնարավոր է, փախուստի մեջ է, բայց դեռ արմատներ է գցում աշխարհով մեկ: Բացի իր լոնդոնյան պենտհաուսից, բազմամիլիոնանոց առանձնատնից Դուբայում, նա վերջերս ներդրումներ է կատարել Բուլղարիայի ծովափնյա Սոզոպոլ քաղաքում գտնվող առանձնատանը:

Ըստ Blitz-ի՝ նրա նոր տունն ունի փոքրիկ մասնավոր լողափ, խաղողի այգի, մանկական խաղահրապարակ և հսկայական լողավազան: Իգնատովան այս առափնյա առանձնատունը համարում է իր ամառանոցը։ Նա տարեկան երկու անգամ այցելում է այդ վայր իր «Davina» զբոսանավով՝ գրավելով ինչպես զբոսաշրջիկների, այնպես էլ տեղացիների ուշադրությունը։ Ռուժայի կալվածքի կողքը գտնվում է եռահարկ շենք, որն Իգնատովան գնել է հյուրատան վերածելու համար։