«Մանչեսթեր Սիթիի» կիսապաշտպան Իլկայ Գյունդողանը կարծիք է հայտնել Գերմանիայի հավաքականում իր նախկին թիմակից, «Ռեալի» պաշտպան Անտոնիո Ռյուդիգերի՝ «Բարսելոնայի» դեմ գավաթային եզրափակիչում ցուցաբերած վարքագծի վերաբերյալ:
«Անտոնիոն սադրիչ պահվածք է դրսևորում խաղադաշտում: Եթե նա ձեր թիմից է, ձեզ համար իրավիճակը շատ լավ է, բայց եթե մրցակցի կազմում է, այդ ամենը շատ է նյարդայնացնում: Լինելով նրա թիմակիցը հավաքականում՝ զգացել եմ նրա փոխանցած ուժը, ինչն օգնել է ինձ դրսևորել դաշտում իմ լավագույն որակները: Դա օգնում է թիմին, երկրպագուներն էլ դա ֆանտաստիկ որակ են համարում: Անտոնիոն շատ էմոցիոնալ է, երբեմն՝ ագրեսիվ: Գավաթի եզրափակիչում, ցավոք, նա չափն անցավ»,- Գյունդողանի խոսքն է մեջբերում Bild-ը:
