Միլանի «Ինտերի» գլխավոր մարզիչ Սիմոնե Ինձագին ամփոփել է Չեմպիոնների լիգայի կիսաեզրափակիչը «Բարսելոնայի» դեմ։ «Ներաձուրին» երկու խաղերի հանրագումարով հաղթեց 7-6 հաշվով ու դուրս եկավ եզրափակիչ։
«Առաջին հերթին ուզում եմ շնորհավորել «Բարսելոնային»։ Նրանք իսկապես անչափ ուժեղ թիմ են։ Մենք երկու սուպերխաղ անցկացրինք։ Իմ տղաներն ուղղակի ապշեցուցիչ էին երկու խաղերում էլ։ Հպարտ եմ, որ մարզում եմ նրանց։ Շատ ուրախ եմ, որ նրանք կարող են տոնել հաղթանակը երկրպագուների հետ այստեղ՝ «Ջուզեպե Մեացայում»։
Շատ է խոսվել Յամալի մասին, սակայն ես ուզում եմ ևս մեկ ֆուտբոլիստի առանձնացնել։ Դա Ֆրենկի դե Յոնգն է։ Նա հաղթում էր բոլոր անդրադարձած գնդակները։ «Բարսելոնայի» կազմում շատ ֆուտբոլիստներ էին առանձնանում, ոչ միայն Յամալը»,- Ինձագիի խոսքն է մեջբերում Tuttomercatoweb-ը։
