Մադրիդի «Ռեալը» ցանկանում է «Մանչեսթեր Յունայթեդի» միջոցով ձեռք բերել Լիսաբոնի «Բենֆիկայի» պաշտպան Ալվարո Կարերասին, հայտում է As-ը:
«Արքայական ակումբն» արդեն մի քանի շաբաթ ուսումնասիրում է հավանական տրանսֆերը:
Կարերասը 6 միլիոն եվրոյով լիսաբոնյան թիմ է տեղափոխվել «Մանչեսթեր Յունայթեդից»: Կողմերի միջև ստորագրված պայմանագրում կա կետ, ըստ որի՝ մանկունիանցիները 18 միլիոնով կարող են գնել նրա տրանսֆերային իրավունքը:
«Ռեալը» չի ցանկանում 60 միլիոն վճարել «Բենֆիկային» և խնդրել է «Ման. Յունայթեդին» ակտիվացնել տրանսֆերային իրավունքը գնելու կետը: Անգլիական գրանդը կվերադարձնի խաղացողին և անմիջապես 30-35 միլիոնով կվաճառի «Ռեալին»:
Գործարքի կայացման դեպքում մադրիդցիները հարմար գնով կստանան Կարերասին, իսկ «Մանչեսթեր Յունայթեդը»՝ լրացուցիչ եկամուտ:
