«Ինտերը» ցանկանում է ձեռք բերել «Ատալանտայի» հարձակվող Ադեմոլա Լուքմանին, սոցցանցերում գրում է ինսայդեր Ֆաբրիցիո Ռոմանոն։
«Ներաձուրին» 27-ամյա ֆուտբոլիստի տեղափոխության համար պատրաստ է 40 միլիոն եվրո առաջարկել Բերգամոն ներկայացնող ակումբին։
Լուքմանին իր կազմում ցանկանում է տեսնել նաև Մադրիդի «Աթլետիկոն», սակայն իսպանական գրանդը նրա տրանսֆերային իրավունքը գնելու համար ստիպված է բաժանվել թիմի հարձակվողներից մեկից։
Նիգերիացի հարձակվողը ցանկանում է տեղափոխվել «Ինտեր» ու անձնական պայմանագրի հարցում միլանյան գրանդի հետ բանակցում է։
Ադեմոլա Լուքմանն «Ատալանտայում» է հանդես գալիս 2022թ. օգոստոսից, 118 խաղում խփել է 52 գոլ, կատարել 25 ասիստ։
