Կատալոնական «Բարսելոնայի» իսպանացի հարձակվող Անսու Ֆատին չի ցանկանում հեռանալ թիմից, հաղորդում է Mundo Deportivo-ն:
20-ամյա ֆուտբոլիստը մտադիր է հաջորդ մրցաշրջանում հաջող ելույթներով ապացուցել կատալոնական ակումբի ղեկավարությանը, որ կարևոր ֆուտբոլիստ է:
Ավելի վաղ հաղորդվում էր, որ Իսպանիայի չեմպիոնը մտադիր է վաճառել Ֆատիի տրանսֆերային իրավունքը: Հետաքրքրված ակումբների թվում են Մյունխենի «Բավարիան» և Լոնդոնի «Չելսին»:
2022/23 մրցաշրջանում Ֆատին «Բարսելոնայի» կազմում մասնակցել է 51 խաղի, խփել 10 գոլ, կատարել 4 գոլային փոխանցում: Transfermarkt-ը 35 միլիոն եվրո է գնահատում նրա տրանսֆերային արժեքը:
