Fastex Պրեմիեր լիգայի փոխչեմպիոն «Արարատ-Արմենիան» նոր պայմանագրեր է ստորագրել Հայաստանի ազգային հավաքականի պաշտպան Կամո Հովհաննիսյանի և քենիացի կիսապաշտպան Ալվին Թերայի հետ, հաղորդում է ակումբի մամուլի ծառայությունը:
Երկու ֆուտբոլիստների պայմանագրերն էլ նախատեսված են մեկ մրցաշրջանի համար:
Թերան 2021 թվականից է հանդես գալիս հայկական ակումբում, մինչև այժմ անցկացրել է 133 հանդիպում: Հովհաննիսյանը 2024 թվականի հունվարին «Արարատ-Արմենիային» միանալուց հետո մասնակցել է 49 խաղի: