Հայաստանի ներկայացուցիչ Համլետ Մանուկյանը Թուրքիայում անցկացված սպորտային մարմնամարզության աշխարհի երիտասարդական առաջնությունում կրկնակի ոսկե մեդալակիր դառնալուց հետո խոսել է ստացած տպավորությունների մասին: 

«Շատ լավ զգացողություններ ունեմ, շատ հպարտ եմ ու շատ ուրախ, որ կարողացա Թուրքիայում հնչեցնել հայոց հիմնը, և կարողացանք ես ու իմ ընկերը մեր դրոշը բարձրացնել:

Մյուս ընկերոջս համար նույնպես շատ ուրախ եմ: Ցավոք սրտի, Էրիկին փոքր-ինչ պակասեց մեդալակիր դառնալու համար: Այս աշխարհի առաջնությունից հետո պետք է ավելի բարդ վարժություններ կատարենք գործիքների վրա, պետք է ավելի շատ աշխատեմ պտտաձողի վրա, քանի որ այս առաջնությունը ցույց տվեց, որ համեմատաբար թույլ ելույթ ունեցա այդ գործիքի վրա»,- 15-ամյա մարզիկի խոսքը մեջբերում է Հայաստանի մարմնամարզության ֆեդերացիայի մամուլի ծառայությունը:

Հիշեցնենք, որ Համլետն առաջին տեղն էր զբաղեցրել օղակների վարժությունում (13.633) և նժույգ թափերում (14.633 միավոր):

Մրցանակային տեղ էր զբաղեցրել նաև Հայաստանի մյուս ներկայացուցիչ Մամիկոն Խաչատրյանը (14.100 միավոր), որը նժույգ թափերում նվաճել էր արծաթե մեդալ:

Երիտասարդական ԱԱ. Համլետ Մանուկյանի և Մամիկոն Խաչատրյանի պարգևատրման արարողությունը (տեսանյութ)

Երիտասարդական ԱԱ. Համլետ Մանուկյանը ոսկե մեդալ նվաճեց նաև օղակների վարժությունում, Էրիկ Բաղդասարյանը չորրորդն է (ֆոտո, տեսանյութ)

Համլետ Մանուկյանը Թուրքիայում դարձավ աշխարհի երիտասարդական չեմպիոն, Մամիկոն Խաչատրյանը՝ փոխչեմպիոն (տեսանյութ, ֆոտո)