Ագեվազներ. այս ունիկալ կենդանիները մեր օրերում հանդիպում են Ավստրալիայում: Ցավոք, այս տեսակն այսօր մեծ վտանգի առաջ է կանգնած մայրցամաքում բռնկված հրդեհների արդյունքում: Vnews-ն առանձնացրել է 10 հետաքրքիր փաստ կենգուրուների մասին:
Փաստեր, որ հետաքրքիր են
1.Վայրի բնության մեջ կենգուրուներն ապրում են միջինում 6 տարի, մինչդեռ անազատության մեջ նրանց կյանքի տևողությունը կարող է հասնել 20 տարվա:
2.Ըստ լեգենդի «կենգուրու» անվանումն առաջացել է այն բանից հետո, երբ Ջեյմս Կուկը՝ տեսնելով մի ագեվազ հարցրել է տեղացիներից մեկին կենդանու անունը, վերջինս էլ իր բարբառով պատասխանել է՝ «չեմ հասկանում». Կուկին թվացել է, թե հենց այդպես է կոչվում կենդանին:
3. Այս կենդանիների առջևի թաթերը չափազանց նման են մարդկային ձեռքերի: Դրանց միջոցով կենգուրուները հողն են փորում:
4.Ծայրահեղ իրավիճակներում կենգուրուներին հաջողվում է կանգնել պոչի վրա և միանգամից 2 ոտքերով հարվածել մրցակցին. այդ տեսակ հարվածը կարող է ծանր վնասվածքներ հասցնել ցանկացած կենդանու:
5.Գաղտնիք չէ, որ կենգուրուները հիասքանչ ցատկորդներ են, նրանք կարող են ցատկելով հաղթահարել 12 մետր հեռավորություն և գետնից բարձրանալ 3 մետր. այդուհանդերձ, յուրօրինակ կառուցվածքի պատճառով կենգուրուները չեն կարողանում դեպի ետ ցատկել:
6.Նորածին կենգուրուները 6-ից 8 ամիս ապրում են մայր կենգուրուի պարկի մեջ. նրանք այդ ընթացքում այնքան թույլ են լինում, որ անգամ չեն կարողանում ինքնուրույն կաթ խմել:
7. Ի դեպ, եթե նորածին կենգուրուն չկարողանա մտնել մայր կենգուրուի պարկի մեջ, ապա նա դատապարտված է մահվան. բանն այն է, որ մայր կենգուրուն ունակ չէ գետնից վերցնել ու պարկի մեջ դնել իր նորածնին:
8.Մայր կենգուրուն կարող է պարկից դեն նետել հիվանդ ձագին, որպեսզի հետագայում առողջ ձագեր ունենա:
9.Մեծ ականջների շնորհիվ կենգուրուները շատ լավ են լսում, երբ նրանք ուզում են տեղեկացնել իրար վտանգի մասին թաթերով հարվածում են հողին:
10.Կենգուրուների սեռը անմիջապես ակնհայտ է դառնում. չէ՞ որ նրանցից միայն էգերն են պարկավոր:
