Fastex Հայաստանի Պրեմիեր լիգայի չեմպիոն Երևանի «Փյունիկի» նիգերիացի հարձակող Յուսուֆ Օտուբանջոյի՝ Բրատիսլավայի «Սլովանի» դեմ Կոնֆերենցիաների լիգայի խմբային փուլի երկրորդ տուրի հանդիպման 36-րդ րոպեին խփած գոլն ընդգրկվել է մրցաշարի խմբային փուլի լավագույն գոլի հավակնորդների ցանկում, հայտնում է մրցաշարի պաշտոնական կայքը:
Այդ խաղում երևանյան ակումբը տնային հաղթանակ էր տարել 2-0 հաշվով, իսկ Օտուբանջոն կրկնապատկել էր հաշիվը:
30-ամյա հարձակվողի օգտին կարող եք քվեարկել այստեղ.
Հիշեցնենք, որ խմբային փուլում Եղիշե Մելիքյանի գլխավորած թիմը 6 միավորով զբաղեցրել էր H խմբի երրորդ տեղն ու ավարտել ելույթները Կոնֆերենցիաների լիգայում: «Սլովանն» ու շվեյցարական «Բազելը» 11-ական միավորով կիսել էին առաջին և երկրորդ տեղերն ու դուրս եկել փլեյ-օֆֆ, իսկ Լիտվայի չեմպիոն «Ժալգիրիսը» 4 միավորով վերջինն էր:
