«Մանչեսթեր Սիթիի» կիսապաշտպան Ռոդրին սկսել է մարզվել ընդհանուր խմբի հետ, հայտնում է Sky Sports-ը։

Ծանր վնասվածքից հետո իսպանացի ֆուտբոլիստն ապրիլի 30-ին առաջին անգամ մարզվել է առանց սահմանափակումների։ Նա մարզասարքերի և անհատական մարզումների միջոցով պահել է մարզավիճակը։

«Ոսկե գնդակի» դափնեկրի խաղադաշտ վերադառնալու հստակ ժամկետ չի նշվում, բայց բացառված չէ, որ նա կարողանա մասնակցել հունիսի 14-ին մեկնարկող աշխարհի ակումբային առաջնությանը։

28-ամյա ֆուտբոլիստը 2024թ. սեպտեմբերի 22-ին «Արսենալի» դեմ Անգլիայի Պրեմիեր լիգայի 5-րդ տուրի խաղում (2-2) ծնկի խաչաձև կապանների վնասվածք էր ստացել։

Manchester City's Ballon d'Or winner Rodri is back in training as he recovers from an ACL injury 🔥 pic.twitter.com/LPjHeDMvP4

— Sky Sports News (@SkySportsNews) April 30, 2025